الورثة

منذ ان دخلت الكلية و كانت اول سنوات الهجوم العنيف على هذه الامة الاسلامية و كل يوم يقولوا الانتفاضة الانتفاضة و "فلسطين لازم تفضل حرة " و انا اسأل ده من امتى ؟
فلسطين واقع من قبل ان ناتى الى هذه الدنيا وجدناه مسلوب بهذا الشكل و لم تستطيع الاجيال السابقة لنا فى الحفاظ عليه او محاولة استرداده رغم كل المحاولات التى تمت خلال 60 سنة الماضية و لكن الادهى من ذلك اننا مازلنا نعالج الامور بنفس طريقة التفكير و المنطق الممل الفاشل الذى لا يجيب ولا يودى
اى اننا توارثنا المأساة و طريقة التهدئة التى اهدتنا اياها الايام و لا اعيب الزمن و لا الايام فالعيب عيبنا و لكن هل كل هؤلاء الناس الذين فىالطريق منذ ان كانت فلسطين حرة و حتى اليوم مش واخدين بالهم من انهم مش بيحلوا ولا بيربطوا و انا اللى حاجى اقول كدة ولا ده حل انا كمان باقوله بس لما اقتنع بالمشكلة اصلا

انا لى سؤال واقف فى زورى
" ما معنى مظاهرة ؟ و اذا اجبت : تعبير عن الرأى
فاقول لك و كيف تعبر عن رايك فى بلاد لا تحترم حرية الرأى ؟؟؟؟؟؟!!!!!
عبر عن رأيك فيما يخصك اولا و فيما هو اقرب لك و فيما هو مؤثر عليك انت
البنزين غلى ورينى انت حتعمل ايه ؟ يا بتاع حرية الرأى
واحد تانى
ما معنى مظاهرة ؟ و اذا اجبت : شىء ايجابى اقوم به
فاقول لك و انت مافيش عندك شىء ايجابى غير الوقوف و الشتيمة و الدعاء عليهم و الولولة ؟
انت ما بتعملش حاجة غير انك تهدى نفسك و ترضيها علشان احساسك بالخزى مما يحدث و لا تجد البديل او معندكش وقت ولا مجهود سوى عمل ذلك بتفكرنى باللى بيصوم رمضان و السنة و ما بيصليش "

نرجع لموضوعنا كانت فلسطين بس اللى ورثناها و لكن بسبب وجود نفس الجيل السابق الذى لم يستطع ارجاع فلسطين كما فقد عمره و افناه فى ذلك دون جدوى
اورثنا طرق للتكبير و عقد و مشاكل كبيرة و تحالفات و خلافات شديدة جدا و عقد تاريخية و ذنوب كبيرة و بنفس المنطق و خلال وجودى فى الدراسة وصلنا الى نهاية احد الموضوعات و هو الغزو الامريكى للعراق فى ايام و جاءنى نفس الشباب اللطيف و يقولى النهاردة ان شاء الله فى مظاهرة و مسرحية و .....
ماذا افعل ؟ ارفض و اقول لا انا باحب انى اعمل مجهود ايجابى و لكن ياخذنى التفكير كثيرا ماذا نفعل العراق بتروح ؟
تجد مظاهرة اخرى فى نفس التوقيت لفلسطين و للعدوان الاسرائيلى على فلسطين
و مظاهرة لزيارة وزير اسرائيلى لمصر ؟؟
و مظاهرة و حرق اعلام امريكا و بريطانيا و رسمهم على الاراضى
و على فكرة هذا النوع من المظاهرات عليه 100 علامة استفهام و غير مرغوب فيه من الحكومة
اما عن المظاهرات الحكومية ؟؟؟
مظاهرة حب الرئيس بمناسبة عيد ميلاده او عيد جلوسه على العرش
مظاهرة فى ارض المستقبل توشكى و معه مجموعة الراقصات و المغنيين و الممثلات

و بعد طول تفكير
من الذى يقوم بهذه المظاهرات ؟
التيار الاسلامى فى الكليات
الحزب الحاكم بينظم مع الشباب الممل المتسلق بتاعه اللى بيدور على شغلانة و لا فاضيين و بيلعبوا على المضمون و باردوا ما فيش حد حيمد ايدوا عليهم باردوا و بياكل و بيشرب و بيلبس و هى ماشية
و بيتفرج على كاس العالم مجانا فى مقر الحزب
ده و الله ابوا طربوش اجدع كان عايز يطلع شباب الحزب اللى فى السبعين المانيا يتفرجوا على الكاس فى المانيا نفسها


و لماذا يقوم بذلك اى؟
لانه يحاول ان يجمع الناس من حوله

هل هذا التيار لا يرى الاحتلال و الاستعمار الذى هو على ارض مصر ؟
القائمين عليه بيعملوا نفسهم مش شايفين علشان يعيشوا شوية و اديهم بيعملوا اللى عليهم و بيحاولوا فى كذا موضوع ( الحجاب و زواج المتعة و......)

اذا . معنى ذلك اننا لن نرى مظاهرة اقوى شوية ؟
نعم
و لن نرى مظاهرة ضد اوضاع داخلية خطا فى مصر ؟
نعم

معنى ذلك اننا نعيش تمثيلية كبيرة و نقوم نحن بادوارنا كما يجب ؟
نعم

معنى ذلك اننا خونة ؟
نعم

معنى ذلك اننا مضرين جدا للقضية اكثر من اسرائيل ؟
نعم

التظاهر و الرأى الحقيقى و التصارع و الوصول لدرجة الحرب بين :
الاهلوية و الزملكوية مثلا فى الاستاد
المسلمين و المسيحين مثلا فى شارع 45
المهندسيين و الفنيين فى اى مصنع
اى حاجة تانية ............ لا

انا لم اشعر يوما بالخزى انى كنت غير مشارك فى مظاهرة سوى مظاهرات كفاية و التى ........ يعرف الجميع ماذا حدث فيها

المهم بعد العراق اصبح العطا على يا سوريا او ايران او السعودية رغم المحاولات المضنية للم الموضوع
و جاءت الضربة لاهم و افضل الدول العربية "لبنان"
بح مافيش
لبنان كانت هنا فى المكان ده
و سبحان الله اللى حصل حصل واحنا زى ما احنا بنشجب و نعلن اسفنا و بكلمات حكيمة جدا ( خبيثة ) يكون حزب الله مخطىء و اسرائيل على حق

انا لا اهبط من عزيمة احد و لكن فكر قبل ان تقوم بعمل شىء ليس له نتيجة
او تظن انك عملت اشياء مهمة كثيرة و ليس لها نتيجة

السؤال
هل يوجد بنى ادم واحد يفكر معى فى حلول ايجابية ؟
حلول ايجابية لايه ؟
لحياتنا اللى مش لاقى لها ميزة
ياتى يوم يسألنى ابنى او يسالك ابنك : انتوا كنتوا فين ؟ بتعملوا ايه ؟
حاقوله كنا بنفكر فيك
اننا امام اسوأ حقبة زمنية
سيأتى احفادنا و يلعنوننا لاننا يجوز نسلمهم هذه البلاد محتلة مهانة مبعثرة
ارجو التعليق