رباعيات 2
مع ان كل الخلق من أصل طين
وكلهم بينزلوا مغمضين
بعد الدقايق والشهور والسنين
تلاقى ناس أشرار وناس طيبين
عجبى !!!!!
عجبى عليك يا زمن يا أبو البدع
يا مبكى عينى دما
ًازاى اختار لروحى طريق؟
وأنا اللى داخل فى الحياة مرغما
ًعجبى !!!!!
مرغم عليك يا صبح مغصوب يا ليل
لا دخلتها برجليا ولا كان لى ميل
شايلنى شيل دخلت أنا فى الحياة
وبكرة هاخرج منها شايلنى شيل
عجبى !!!!!
صوتك يابنت الايه كأنه بدن
يرقص يزيح الهم يمحى الشجن
يا حلوتى و بدنك كأنه كلام
كلام فلاسفة سكروا نسيوا الزمن
عجبى!!
أحسن ما فيها العشق و المعشقة
و شويتين الضحك و التريقة
شفت الحياة .. لفيت.. لقيت الألذ
تغييرها !! و ده يعني التعب و الشقا
عجبي!!
يأسك و صبرك بين ايديك..
وانت حرتيأس .. ما تيأس.. الحياة راح تمر
!!أنا دقت من ده ودا.. عجبي
لقيت الصبر مر .. و اليأس برضك مر
عجبي
ايه اللي خدته من مرور السنين؟؟
يا قلبي الا دمعتك.. و الأنين
بتئن.. و ترجع و بتفرح و ترجع تحن!!
مع ان مش كل البشر فرحانين
!!عجبي
لو فيه سلام فى الأرض وطمان وأمن
لو كان مفيش ولا فقر ولا خوف وجبن
لو يملك الإنسان مصير كل شئ
أنا كنت أجيب للدنيا ميت ألف ابن
عجبى !!
قالوا الشقيق بيمص دم الشقيق
والناس ما هيَّاش ناس بحق وحقيق
قلبى رميته وجبت غيره حجر
داب الحجر .. ورجعت قلبى رقيق !!
عجبى
بين موت وموت ... بين النيران والنيران
ع الحبل ماشيين الشجاع والجبان
عجبى عَلادى حياة .. وياللعجب
إزاى أنا ـ يا تخين ـ بقيت بهلوان
!!عجبى
ولدى نصحتك لما صوت اتَنَبح
ما تخافش من جِنِّى ولا من شَبَح
وإن هبّ فيك عفريت قتيل إسأَله
ما دافعش ليه عن نفسه يوم ما اندبح ؟
!!عجبى
الباقى فى
بوست قديم
posted by islamventura @ 11:09 PM
0 comments
0 Comments:
Post a Comment
<< Home