الاولة و التانية و التالتة انت يا مصرى
الأوله آه
والتانيه آه
والتالته آه
الأوله عايرونى إن أنا فلاح
والتانيه أزرع وأقلع للى نام وارتاح
والتالته آه اللى أحبه شطّ منى وراح
الأوله عايرونى إن أنا فلاح بدفيـّه
*والتانيه أزرع وأقلع للى نام وارتاح فى دهبيـّه
والتالته آه اللى باحبّه شط منى وراح فى صبحيـّه
الأوله عايرونى إن أنا فلاح بدفيـّه وعيشى حاف
والتانيه أزرع وأقلع للى نام وارتاح فى دهبيـّه بميت مقـداف
والتالته آه اللى باحبّه شط منى وراح فى صبحيـّه ماقال لى عواف
الأوله مش بإيدى ده قضا محتوم
والتانيه ومسيرها ناس تغرق وناس هتعوم
والتالته ميت هم يرحل ألف همّ يدوم
الأوله آه
والتانيه آه
والتالته آه
يا مصرى وانت اللى هاممنى من دون الكل
هزيـــــل ويحسبك الجاهــــل عيّان بالسـل
من دى الكيــوف اللى تصبّر على كثر الذل
ونمــت والعالـــــم فايـــــــق قوم بص وطـلّ
وشوف الشعوب واتغص ودوب وارجع انسان
هزيـــــل ويحسبك الجاهــــل عيّان بالسـل
من دى الكيــوف اللى تصبّر على كثر الذل
ونمــت والعالـــــم فايـــــــق قوم بص وطـلّ
وشوف الشعوب واتغص ودوب وارجع انسان
بيرم التونسى
يا اهل مصر المحميه بالحراميه
الفول كتير والطعميه والبر عمار والعيشه معدن
واهي ماشيه اخر اشيامادام جنابه والحاشيه بكروش وكتار
الحمد الله ولا حولا مصر الدوله
الحمد الله ولا حولا مصر الدوله
غرقانة فى الكدب علاوله والشعب احتار
وكفايه اسيادنا البعدا عايشين سعد
ابفضل ناس تملا المعده وتقول اشعار
اشعار تمجد وتماين حتى الخاين
وان شا الله يخربها مداين عبد الجبار
أحمد فؤاد نجم
غابة كلابها ديابــــا ... و نازلين في الناس هـم
و اللي ينام في الغابة ... رح يتاكل هــــــــم
و اللي يدور وشـــــو ... في غمضة عين يتهــــــم
و اللي يغيب عن جحرو .. لاجل القوت و المميت
و اللي يغيب عن جحرو .. لاجل القوت و المميت
خان من ورا ظهرو ... او يتاخد خم
غابة بتاكل ميتة ... غابة بتشرب دم
غابة كلابها ديابا ... نازلين بالناس هم
غابة كلابها ديابا ... نازلين بالناس هم
غابة و ناسها غلابة .. خيخة لا ناب و ل
ا فممتكلين عالصدفة .... متاكلين بالهم
و احنا يا ملح الغابة .. هم يحرك هم
و احنا يا ملح الغابة .. هم يحرك هم
ضايعين و سط ديابا .. مش فاضيين نهتم
فاهمين و بنتغابا ... مش راضيين نتلم
أحمد فؤاد نجم
posted by islamventura @ 11:41 PM
4 comments
4 Comments:
الله عليك
انا كنت نسيت احمد فؤاد نجم خالص
ياريت من وقت للتاني تنشر حاجات ليهم خلي الواحد يستمتع
بالنسبه لتعليقك لي
انا فعلا متزوجه و من كتبت فيه تلك الكلمات هو زوجي
لكن غرضي من هذا البلوج ليس الكتابه الشخصيه عني و ليس كل ما أكتبه عن مشاعر حسيه و عاطفيه هو عن تجربه مررت بها شخصيا... بالعكس انا احيانا كثيره اتفادى الحديث عن حياتي الشخصيه لأنه كما قلت من قبل جمال النت انك تتحرر حتى من قيد الهويه
على أية حال هذا الحب موجود و في إعتقادي أنه يجب ان يكون هو الدافع للزواج و الحياه الزوجيه لا تخلو من المشاكل و انا غير نادمه على كل هذا الحب لأنه بالتأكيد لقد أخذت اشياء بالمقابل و لأني إستمتعت بهذا الحب جدا
انا مبسوط جدا لانك يمكن متخذة النت بنفس مبدأى و هو الخروج و معرفة الجديد فى انماط الحياة دون قيود و يمكن هو دى ميزته الاهم بالنسبة لى
و أنا اللي كنت فاكرة اني عارفة كل قصايد نجم ...اول واحدة حلوة قوي
أحييك على الاختيار
ان شاء الله احاول اجيب تانى
و شكرا على زيارتك و اتمنى انك تتصفحى المدونة بالكامل
Post a Comment
<< Home