Saturday, September 09, 2006

محطة رمسيس "محمد حسنى مبارك" اول محطة تحت الارض




حدث خلال الايام الماضية اكثر من حدث غريب و اغلبهم موجود بحياتنا الاجتماعية


كنت راكب اتوبيس فى وسط البلد بالقاهرة و بجانبى جد او رجل كبير و ما شاء الله عليه يمر على اخر 60 سنة رايح جاى فيهم من فوق لتحت و من محمود الخطيب لانور السادات لعبدالحكيم عامر لبرلنتى عبدالحميد لسعاد حسنى للشيخ الشعراوى للدكتور احمد زويل لمجدى يعقوب لانسى سويراس لموبينيل و فودافون لوزارة الاتصالات و احمد نظيف لوزير التعليم لطه حسين للحروب و السياسة و الفن
المهم بيسال هم حيشيلوا رمسيس تانى ؟ طيب حيودوه فين ؟ و الله دووول تعبوه قوى و لففوه السبع دوخات
انا اسأل :
نقل رمسيس من موقعه الى موقع اخر و الله مش عارف لماذا ؟؟
هل رمسيس اشتكى من الاكل مثلا او نوعية الخدمة ؟

هل هناك احد قد ضايق ملك مصر السابق رمسيس و لذلك توجه للجهات المعنية و طلب ان يستقل بذاته فى منطقة اخرى جديدة ؟" بعيدا انه قدم طلبا لكى ينتقل من مكانه بالقاهرة للجيزة و جاب بتلاتة جنيه دمغة و وقف طابور طويل عريض و قالوا له ده انت ورقك ناقص و روح كمله و خد تاشيرة من الاستاذ / زاهى حواس و تاشيرة من وزارة الثقافة و الاثار الصحة و المواصلات و البترول و التجارة الخارجية و التعليم العالى و التعليم الواطى و وزارة الشئون الكروية
الصراحة مافيش طوابير و ورقه كان ماشى زى الفل و لان الريس هو اللى قشر على الورق بتاع رمسيس لذلك غير مكانه و اثر لنفسه بان يأخذ مكانه و بذلك المكان ملك الاخ الاكبر: الريس طبعا
و من هنا و رايح يكون ميدان مبارك الاول و سيبك من رمسيس التانى و التالت و الخمسين كمان
للعلم رمسيس كان عنده خمسين ولد, بس قى ولد بالخمسين ولد (ما علينا)
المهم خلى الجو لصاحبنا مع ان الواحد يمشى فى اى حتة يجد صورة بالحجم الطبيعى و اكبر من الطبيعى للريس فى كل حتة بس رمسيس حلو و مكانه حلو و عاش كتير , على العموم ربنا يديلوه العمر المديد و يفرح بولاده و ولاد ولاده و لاد ولاد ولاده

(ظهور الاسطوانه التى بها مسرحية تتهكم على الاسلام و المختل بتاع كنايس اسكندرية و الافراج عن سفاح بنى مزار و ................. ) هى سبب يجعل الوطن يحتاج قانون الطوارىء اكثر من الشخص الذى يسعى جاهدا للحفاظ على تواجده و لذلك فلقد قرروا ان يستمر قانون الطوارىء حفاظا على مصلحة الشعب الغلبان اللى اصبح لا يستطيع ان يعيش بدون قانون الطوارىء و الاهلى و الزمالك و فودافون و موبينيل و كليوباترا و مارلبورو


23 Comments:

At 6:20 AM, Blogger MAKSOFA said...

يا أسلام بيقولوا والعهده علي الراوي أن اليهود مابيطقوش يشوفوا رمسيس واقف كده وهما جايين من مطار القاهره ، وهما اللي كانوا ورا نقله ، علشان هو دة فرعون موسي اللي طرد اليهود من مصر

 
At 6:26 AM, Blogger islamventura said...

و الله معلومة جميلة و سعيد بيها جدا
ما جتش الصراحة على بالى باعتبارنا دولة حرة
بس مش خسارة فى معروفهم

 
At 5:36 AM, Blogger tota said...

اسلام

الموضوع يحمل اكثر من نقطة
نقل رمسيس بالطبع احدهم ومبرراته التى اكتشفوها مؤخرا هو التلوث الذى يؤثر على رمسيس الملك التمثال ولا يؤثر على احفاده من البشر المولودين مقاومين للتلوث

صورة السيد الرئيس فى كل مكان فيكى يا مصر لتذكرنا ان هناك رئيس من بنى البشر مش من نوع تانى يحكمنا قبل ما ننسى شكله
قانون الطوارئ
الحالة السيئة التى أل اليهاالشعب المصرى من تخلف فكرى واضطهاد هى التى اولدت روح الانفعال وقطع اواصر المحبة بين فئاته المختلفة ولكن قطعا قانون الطوارئ ولد لكى يحمى الرئاسة من اى تمرد مزعوم او محتمل من اى فئة سولت لها نفسها ان تنظر للحكومة وتشير الى اخطائها وتصدر صوتا ما يدل على الامتعاض ولقمع الشعب المسكين وتوفير وسائل الترفيه لمرضى الداخلية ( الترفيه بالنسبه لهم هو تعذيب المواطن المصرى )

يبقى اضافة واحدة
جزء من حالة الهوان والضعف يعود على الشعب لانه اعتاد الرضوخ ولم يقاوم ونسى فكرة ان يد الشعب متحدا بالطبع هى اقوى من يد الفساد المسيطر

تحياتى لك يا اسلام لتفجير العديد من المواضيع بهذه البساطة

 
At 6:22 AM, Blogger islamventura said...

الله يخليكى و ارجو ان تزورينى دائما

 
At 10:17 AM, Blogger كلبوزة لكن سمباتيك said...

كنت اتمني ان يتم تصويت للشعب المصري بموافقتهم علي نقل التمثال من عدمه
لان مبلغ نقلة المبالغ فيه كان احق به الشعب المطحون لتحسين حالة المدارس او بناء مساكن للشباب لمساعدتهم علي الزواج او...او...
البلد محتاجة و هم بيبعزقوا الفلوس علي كلام فاضي

المهم
يمكن نتيجة التصويت كانت تبقى 99.9%ما هو اصلوا
رمسيس مبارك

خالص تحياتي

 
At 10:44 AM, Blogger farida said...

اسلام
انا على طول بزورك
بس مش دايما بعلق
و بعدين انت قعدت وقت طويل من غير كتابه

موضوع محطة رمسيس
مش عارفه
مليش تعليق عليه
يعني هم بيعملوا اللي هم عاوزينه

مش فاهمه الأسباب
و مش فاهمه ليه التكلفه
كانوا جابوا الفلوس دي

 
At 1:20 PM, Blogger islamventura said...

و الله فكرة
يطلع الريس من سلالة رمسيس علشان كدة طويل العمر
بس رمسيس طرد اليهود و النظام دلوقتى طرد المصريين

 
At 6:51 PM, Blogger Gbalawy said...

مش عارف زعلانين ليه من نقل التمثال بس دول كام مليون عمى
صحيح ملقيش معاك اتنين جنيه سلف لاول الشهر


تحياتى

 
At 1:22 AM, Blogger islamventura said...

عينيا ليك يا باشا

و شكرا على زيارتك الكريمة

 
At 1:29 PM, Blogger islamventura said...

بس فى اكس فى اى حاجة
عود شيخة مثلا
مسك
طيب اى حاجة
يغسلوا الشارع

 
At 2:23 PM, Blogger كراكيب نـهـى مـحمود said...

رمسيس ده حبيبي جدا
انا اصلي عندي مشكله مع الشوارع والميادين اعلم ده بمحل فول وطعمية وده ببنزينه وده بعسكري مرور غبي منه فيه او شحاذ رجله اتقطعت في الحرب مدقش اي حرب
او ست متعرفش مكان المجلس القومي للكرأة علشان كده بتشحت في الشارع بعيل عيان او ميت مش واضح الصراحه كل ده بعلم بيه الشوارع
ومنها الميدان اللي بقى من غير اسم لانه من الهبل اقول ميدان رمسيس طيب هوه فين التعبان يعني كان فين الضابط وكده يعني
الصراحه انا من يومها بلف حوالين كشك السجاير هناك ومش عارفه اروح بيتنا
كراكيب كركوبة

 
At 10:47 PM, Blogger islamventura said...

طيب كويس حبة كراكيب عملوا الشارع دلوقتى و شالوا اهم ما فى رمسيس

 
At 4:56 AM, Blogger سندباد مصري said...

إسلام

ليت المشكله كانت لماذا تم نقل رمسيس

ولماذا اصبحت المرلبورو اغلي من الكيلوباترا

والسلام

 
At 6:00 AM, Blogger cast2way said...

احب هذا البلد احب ماضيه وحاضره ومستقبله ولكن
لا يهمنى رمسيس لايهمنى مكانه لا يهمنى الى اى الاماكن نقل
اما ما يهمنى هو هذا الصراع الذى احس به تجاه هذا البلد الذى احيا به
و استطيع القول بان هذا البلد يريد منا حلولا اكثر من سرد المشاكل وان كان مهما ايضا
والسلام

 
At 11:08 AM, Blogger islamventura said...

اتفقنا
نحن نبحث عن حلول و لكن قد تظهر فى بادأ الامر و كانها حلول سلبية و لكن

ماذا تفعل عندما تغيب القدوة و الخير و العدل و الرحمة ؟
اتمنى ان ابحث عن حل غير نمطى او منطقى جدا و ينجح و اتسال لماذا كل هذا التساهل فى قضايانا و مشاكلنا ؟

 
At 2:29 AM, Blogger cast2way said...

هذا ليس تساهلا بل هو فى رائى احساس بما هو قادم ولم يكن الحل ابدا سلبيا بل هو بوابة الى حلول جديدة فكما قلت انت ان الامر فى بادئه يبدو هكذا وكم من الاضرار التى سردت فى فترة قصيرة وانى اتسائل ايضا الى متى نظل نروى امراض هذه البلد وكانها اصبحت بلا اطباء او كان الاطباء قد عجزوا أو ظلوا واقفين يرقبون الامر من بعيد ولا اقول بان نمتنع عن ذكر المرض لانه سبيل من سبل الحل ولكن ايضا لا ننسى ان نبحث عن الحل لان بهذا يكتمل الهدف من الروى

والسلام

 
At 11:28 PM, Blogger islamventura said...

انا لم اقصد التساهل منى او منك و انما التساهل فى كل هذه الحوادث
اصبحنا ننقص
بالموت بالموت بالامراض بالتفكير بلقمة العيش

 
At 6:31 AM, Blogger مفلس افندى الرايق said...

اسلوبك جامد جدا جدا

هو رمسيس اخر فتره كنت شايفه قبل ما يتنقل متضايق كده ومخنوق اصله جاله خبر انهم هيجيبوا جانبه مبروك الاول والتانى وهو هناك مافيش الا حمام واحد وتلاته على واحد صعبه فهو طلب من وزارة الكهربا تنقله فى حته ضله كده علشان يبقى يعمل حمام لوحده ف الضلمه وماحدش يزحمه

فهمتوا بقى القصه

شرفنى المرور

 
At 10:43 AM, Blogger islamventura said...

الله يكرمك
و اتمنى انك تكون دايما عندى
و تكون بتشاركنى فى مشاكلى و افكارى

 
At 1:09 AM, Blogger هشام علاء said...

يا راجل

يشيلوا رمسيس يحطوا مبارك او حتى يعملوا تمثال لجيمى و يحطوه فى الميدان

كل ده مش مهم

المهم ان الشعب تحت السيطرة
تحت السيطرة بالكيف و الموبايل و التفكير الاستهلاكى قبل مايون تحت السيطرة بالخوف و الترهيب اللى هو طبعا شىء مفروغ منه

و الشعب فى خدمة الحكومة و الشرطة

و كلنا فدى الريس
اى ريس
مبارك..جيمى...تتمس حتى اى حد

و على راى ابراهيم عيسى الشعب المصرى لو حكمه طور هايقةللك يا راجل طالما حكم..حش و اديله

و على راى العبد لله
الشعب المصرى يا تركبه...يايركبك

 
At 12:56 PM, Blogger islamventura said...

ما كنتش حارد عليك بس ماشى

 
At 11:11 AM, Blogger يا مصر اكتب إليكي رسائلي said...

تحياتي ولحد عندكم جي اقول
بمناسبة الشهر الكريم كل عام وانتم والأسرة الكريمة وكل الأصدقاء والأحباب بالخير ومصرنا الحبيبة كلها بالخير واليمن والبركات

 
At 12:18 AM, Blogger islamventura said...

ramdan karim

 

Post a Comment

<< Home