لسة السنجة بتقع و السواق بينزل يركبها ............؟

هو سؤال فى مسلسل "احلام الفتى الطائر" من الفنان احمد بدير للفنان عادل امام
بدر لذهنى هذا السؤال عندما رايت نفس المشهد الذى كان له سبب رئيسى فى دخول احمد بدير المستشفى منذ 30 عام
و هو يعنى الكثير جدا لى انها مازالت على حالتها التى عليها
و دعنى اقص لك الاتى
1) شبكة القطارات لم تجدد منذ بناها الانجليز
2) العربات و الاتوبيسات و الميكروباسات ( المشاريع) فى اسكندرية زى ما الجميع عارف بتسبب تلوث غير طبيعى و ايضا عفى عليها الزمن

و من وجهة نظر اخرى

قلة ادب و سفالة من سواقين الميكروباسات و التاكسيات و الاتوبيسات و اصبح راكبيها الان اللى هم احنا

النعش الطائر كان يطلق على سيارات البيجو التى تسافر بين المحافظات و لكن

الان لدينا قطار الموت و طريق النار و سفينة الكوابيس و طائرة الضياع

سكة منصور لطفى كلها مهالك

موقف

كنت اركب ميكروباس و للزحام الشديد يمر من شوارع جانبية دون الشارع الرئيسى و اذا به يمر فى شارع يجد سيارة فى المعاكس لهذا الشارع الضيق لادا بيضاء و تتبع القوات البحرية و بها عسكرى و يبدو انه سائق لرتبة مهمة قوى و الرتبة غير موجودة الانن و يقول سائقنا ارجع هذا الطريق سكة واحدة فى اتجاهى و هذا حقيقى

و اذا بنا نجد قلة ادب من العسكرى البحرية و رفض فيه اعطاءنا حقنا فى المرور و قام باستخدام سلطة رغم انه مخطىء

و اذا براكب فى ال 50 من عمره يقول لسائقنا بلاش تطول لسانك عليه ده بحرية

و اذا براكب اخر يلبس نظارة سوداء و ينزل من مكانه وتظهر الامكانيات ( مسدس بجانبه و جهاز اللا سلكى ) و ذلك يوضح مدى القوة و الرتبة و انه بذلك انهى الموقف لمصلحتنا و اصبح العسكرى عنتر فى ثوانى عبلة بعد وصلة شتائم من الظابط الذى يركب معنا الميكروباس و بالفعل تراجع عنتر و هو يقول يا باشا مش شايف طريقته و يقصد السواق

و بالفعل مر سائقنا و جاء الراكب الخماسينى من عمره ليقول لو معالى الباشا ما كنا اخدنا نفسنا و ما كنا ........... الى اخرر هذا النوع من الحديث

و يرد الباشا ابو نظارة سوداء اسكت خلاص و خللى السواق يعرف يسوق

و يرد الخماسينى يا باشا انا عايز اشتكيلك من السواق ده و غيره رفعوا الاجرة و صغروا المسافة و ظلمونا معاهم

السواق قال يا باشا الدنيا بتغلى

الخماسينى رد عليا و عليك و عليا انا اكتر و انت ربنا فتحهالك من وسع لكن انا موظف

الضابط الهمام قال اسكتوا انتوا الاتنين بدل ما اخليكوا تاكلوا بعض

.......................

ما علينا

قائمة بأهم كوارث القطارات في مصر
أحد عمال الإنقاذ يشير إلى عدد من جثث ضحايا حادثة حريق القطار الذي كان متجها من القاهرة إلى صعيد مصرقتل 350 راكبا على الأقل عندما اندلع حريق في قطار للركاب بجنوب القاهرة، وهذه هي أسوأ كارثة قطارات في مصر منذ مقتل 75 شخصا في اصطدام قطارين عام 1995. وفيما يلي تسلسل زمني لأحدث كوارث القطارات في مصر.
- 13 فبراير/شباط 1992 قتل 43 شخصا في اصطدام قطارين قرب محطة البدرشين بجنوب القاهرة.
- 12 ديسمبر/كانون الأول 1993 قتل 18 وأصيب 85 عندما اصطدم قطار ركاب بقطار للشحن في شمال القاهرة.
- 27 مارس/آذار 1994 أصيب 75 شخصا عندما اصطدم قطاران في إحدى محافظات الدلتا.
- 25 فبراير/شباط 1995 قتل 11 شخصا عندما اصطدمت الحافلة التي كانوا يستقلونها بقطار في شمال القاهرة.
- 15 أبريل/نيسان 1995 قتل 49 شخصا عندما اصطدم قطار بحافلة مزدحمة بعمال النسيج عند تقاطع قرب بلدة قويسنا في محافظة المنوفية.
- 21 ديسمبر/كانون الأول 1995 قتل 75 شخصا وأصيب 76 عندما اصطدم قطار بخلفية قطار آخر قرب البدرشين في جنوب القاهرة.
- 3 فبراير/شباط 1997 قتل 15 على الأقل وأصيب عشرة عندما اصطدم قطار بضائع بقطار للركاب قرب بلدة أدفو في صعيد مصر.
- 25 مارس/آذار 1997 قتل سبعة أشخاص وأصيب اثنان عندما دهسهم قطار أثناء عبورهم مزلقان السكة الحديد قرب القاهرة.
- 18 أكتوبر/تشرين الأول 1998 قتل 43 شخصا وأصيب 90 عندما تعطلت فرامل قطار عند بلدة كفر الدوار بجنوب شرق الإسكندرية ليقتحم سوقا مزدحمة.
- 13 نوفمبر/تشرين الثاني 1999 قتل عشرة أشخاص وأصيب سبعة عندما دهس قطار مجموعة من العمال أثناء تقديمهم المساعدة في حادث سيارة قرب تقاطع في محافظة القليوبية.
- 15 سبتمبر/أيلول 2000 قتل تسعة وأصيب اثنان عندما اصطدم قطار بحافلة صغيرة عند تقاطع بجنوب القاهرة.
- 20 فبراير/شباط 2002 قتل 350 راكبا على الأقل وأصيب أكثر من مائة عندما اندلع حريق في قطار مزدحم بالركاب قرب القاهرة.

لم اتكلم عن العبارة السلام بوكاتشيو 98 و ان كنت ساحاول الفترة القادمة ان اتكلم نوعا ما عن هذه التجربة بالكامل

محطة رمسيس "محمد حسنى مبارك" اول محطة تحت الارض

حدث خلال الايام الماضية اكثر من حدث غريب و اغلبهم موجود بحياتنا الاجتماعية

كنت راكب اتوبيس فى وسط البلد بالقاهرة و بجانبى جد او رجل كبير و ما شاء الله عليه يمر على اخر 60 سنة رايح جاى فيهم من فوق لتحت و من محمود الخطيب لانور السادات لعبدالحكيم عامر لبرلنتى عبدالحميد لسعاد حسنى للشيخ الشعراوى للدكتور احمد زويل لمجدى يعقوب لانسى سويراس لموبينيل و فودافون لوزارة الاتصالات و احمد نظيف لوزير التعليم لطه حسين للحروب و السياسة و الفن
المهم بيسال هم حيشيلوا رمسيس تانى ؟ طيب حيودوه فين ؟ و الله دووول تعبوه قوى و لففوه السبع دوخات
انا اسأل :
نقل رمسيس من موقعه الى موقع اخر و الله مش عارف لماذا ؟؟
هل رمسيس اشتكى من الاكل مثلا او نوعية الخدمة ؟
هل هناك احد قد ضايق ملك مصر السابق رمسيس و لذلك توجه للجهات المعنية و طلب ان يستقل بذاته فى منطقة اخرى جديدة ؟" بعيدا انه قدم طلبا لكى ينتقل من مكانه بالقاهرة للجيزة و جاب بتلاتة جنيه دمغة و وقف طابور طويل عريض و قالوا له ده انت ورقك ناقص و روح كمله و خد تاشيرة من الاستاذ / زاهى حواس و تاشيرة من وزارة الثقافة و الاثار الصحة و المواصلات و البترول و التجارة الخارجية و التعليم العالى و التعليم الواطى و وزارة الشئون الكروية
الصراحة مافيش طوابير و ورقه كان ماشى زى الفل و لان الريس هو اللى قشر على الورق بتاع رمسيس لذلك غير مكانه و اثر لنفسه بان يأخذ مكانه و بذلك المكان ملك الاخ الاكبر: الريس طبعا
و من هنا و رايح يكون ميدان مبارك الاول و سيبك من رمسيس التانى و التالت و الخمسين كمان
للعلم رمسيس كان عنده خمسين ولد, بس قى ولد بالخمسين ولد (ما علينا)
المهم خلى الجو لصاحبنا مع ان الواحد يمشى فى اى حتة يجد صورة بالحجم الطبيعى و اكبر من الطبيعى للريس فى كل حتة بس رمسيس حلو و مكانه حلو و عاش كتير , على العموم ربنا يديلوه العمر المديد و يفرح بولاده و ولاد ولاده و لاد ولاد ولاده

(ظهور الاسطوانه التى بها مسرحية تتهكم على الاسلام و المختل بتاع كنايس اسكندرية و الافراج عن سفاح بنى مزار و ................. ) هى سبب يجعل الوطن يحتاج قانون الطوارىء اكثر من الشخص الذى يسعى جاهدا للحفاظ على تواجده و لذلك فلقد قرروا ان يستمر قانون الطوارىء حفاظا على مصلحة الشعب الغلبان اللى اصبح لا يستطيع ان يعيش بدون قانون الطوارىء و الاهلى و الزمالك و فودافون و موبينيل و كليوباترا و مارلبورو