امن دولة

بسبب ظروف عملى ببعض الموانى لاحظت سوء معاملة الركاب المصريين حين وصولهم إلى احد الموانى المصرية

و ذلك من قبل الامن المصرى و ترى بنفسك ذلك فى مرورك داخل الميناء حيث التنكيل و المشاهد الغير ادمية امام مكتب امن الدولة حماها الله

تجد مبنى امن الدولة امامه العشرات يوميا من الشباب المصرى الراجع من اى منفذ و من الممكن تكون الاسباب مثلا :

1) وجود تأشيرة لبلد عربية شقيقة غير مرغوب فيها

2) وجود تأشيرة دخول لبلد اجنبى حليف و صديق

3) وجود لحية توحى بأن صاحبها يعرف ربه

4) او ان له احد اقاربه مسجل اخوان مسلمين

5) م.ر

ماذا تعنى م.ر ؟

علمت من بعض العاملين بالعبارات انه منذ عام 1997 طلب امن الدولة من الشركات الملاحية عمل قوائم و جداول بكل من يحمل على جواز سفره ختم احمر مكتوب عليه م.ر

الغريب فى الأمر ان العبارات و الشركات الملاحية التابعة لها و التوكيلات الملاحية اخذت هى الاخرى على عاتقها تجهيز قائمة م.ر و عمل جداول و محاولة فصلهم عن باقى الركاب و محاولة عمل اللازم لأرضاء الجهاز الأمنى الذى قام بدوره يمتابعة هذه القائمة و دراسة الركاب القادمين من المملكة العربية السعودية و يحملون على جوازتهم الختم الحمر م.ر

و استدراج هؤلاءالركاب و القبض عليهم جميعا و محاولة التحقيق معهم:

لماذا خرجت من مصر ؟

لماذا توجهت للملكة ؟

إلى اخر الاسئلة المملة و الاستفاهمية و التى قد تساعد حماة الوطن فى الوصول إلى شكل عام لنوعية هؤلاء القادمين

و بالصدفة البحتة قام ظابط امن دولة متوجه لأداء فريضة العمرة و سأل بنفسه ظابط جوازات بأمن ميناء جدة الاسلامى عن ختم م.ر

و كان الرد عنيف جدا.

(انه ختم منطقة الرياض)

و ذلك لأى سبب وجيه يخص المملكة و لا يخصنا

و من ساعتها انتهى تفعيل خدمة م.ر من الموانى المصرية

ادخلوها بسلام امنين

الان ممكن تتكتب و انت داخل مطعم او صيدلية او اى شىء من هذا القبيل

مجموعة طلعت مصطفى هادمى المستقبل 2008

سبحان الله - طلعت مصطفى الاب عضو مجلس شعب عن دائرة سيدى جابر - الاسكندرية

هشام طلعت مصطفى الابن - عضو مجلس شعب و رجل اعمال بارز خلال ال 15 سنة الماضية

لكن الان اصبح متهم متهم متهم و المشكلة الان هل الاخ الشرطى مذنب ام غير مذنب

و كأن هذا الشرطى القاتل شاهد ما شافش حاجة

و بيمر امام الاخ سلومة الاقرع و بعد كل اللى حصل فى الجرايد بيقول انت بتعمل ليه كدة و هو انا شفتك قبل كدة

و يرجع التحقيق من الاول

و لازم يا شرطى تبقى ابيض يا اسود (لكن بين البينين ما ينفعش انا مش بأحب اللون الرمادى) المهم ان الست اللى ماتت دى لها اهل ولا لا مش مشكلة

دون اعادة النظر فى وضع كل المنتسبين لهذا الجهاز الحقير لن يتم افشاء عدالة ولا رحمة بين الناس

هذا الشرطى للأسف قاتل محترف و له ادواته و يمكن الاستعانة به

الاخ الشرطى اعترف انه كان يستدرج هشام لأخذ المال منه و ان هشام كلف اكثر من جهة للتخلص من الفنانة

و اذا لم يقتلها هو سيقتلها سامى العدل او احمد السقا فى تيتو

الغريب فى الامر ان هشام طلعت مصطفى لو قتل 100 واحدة غير فنانة من الشعب العربى الغير معروف لن يتغير ساكن

جريمة قتل عادية جدا و لا نسمع عنها اى حاجة و لكن لوضع مجتمعنا الفاضح دائما مع متابعة اخبار الفنانين و زيجاتهم و اسرهم

الحملة الشرسة على الفنانة القتيلة و انها كانت فنانة دون المستوى (و هل هذا وقت لتقييم اداء الفنانة فنيا) لا اعلم

منع النشر فى هذه القضية فى اول الامر احاط جوا بوليسيا افتقده جمهور القراء و المتابعين للأخبار من باب التسلية من زمن بعيد و يعطى للناس الفرصة لتناقل الاخبار عن طريق الدردشة و بطريقة ترسخ الحكم لدى الشعب بأن هشام طلعت مصطفى جانى و انه فعل كما يفعل كل رجال الاعمال و كل اصحاب النفوذ

ولا يستحى ان يقتل و يدمر و يسجن و يرشى

اشعر انى كمواطن متابع لنفس نوع القضايا منتظر فريد الديب المحامى للخروج للدفاع عن هشام طلعت مصطفى

و علمت بوجود مرتضى منصور بشكل اخر طريف و انه رفض هذه القضية من باب نزاهته و انه لديه حقائق مهمة فى سبيل القضية

اذا نحن امام الفضيحة الكاملة لرجل اعمال التى تأتى كل سنة او سنتين و تأتى لأسباب كثيرة ما عدى العدالة

مدينتى: هي مدينة عالمية على أرض مصرية تضم إلى جانب السجون المختلفة من معتقلات ومنفى، المساحات الصفراء الواسعة، وجبال الحجارة والفنادق الراقية لمسجونى علية القوم

معتمر مصرى 2008

موضوع غريب و لكنه صعب نفسيا و شخصيا على و ذلك لمرارة الموضوع و الاحداث

اكرمنى ربى بزيارة بيته المقدس العديد من المرات و لا ابتغى رياء ولا سمعة فى هذه الزيارات و لكن وجه الكريم فقط

و لكنى و لوجودى لفترات طويلة يجوز استطعت ملاحظة الأتى:

1) نسبة كبيرة من المعتمرين فى رمضان و غير رمضان من المصريين الغلابة و الغير غلابة

2) رأيت مشاهد تزاحم بين كل الجنسيات مع بعضها لكن كان مصدر عشوائيتها مصرى

3) خروج باللفظ او بالفعل داخل جنابات الحرمين من مصريين فقط

4) رأيت تزاحم و تصارع على موائد الرحمن التى تقدمها لجان افطار صائم المقدمة لصائمى البيت الحرام

5) رأيت شحاتين و نصابين يحاولون استعطاف اهل هذه البلد و هم فى الاصل خارجين من بلادهم بغية زيارة بيت الله و هربوا داخل المملكة حتى يتم القبض عليهم و ترحيلهم لبلادهم

6) رأيت مجموعة تابعين لنقابة يتكلمون عن منظم هذه الرحلات من مصر الذى يأخذ على كل 20 معتمر 7000 جنيه مصرى دون وجه حق و بشكل يجعلك تشعر ان (الراشى و المرتشى معنا و مننا)

7) رأيت الخميس الماضى خادم الحرمين الشريفين فى الحرم يؤدى صلاة العشاء و صلاة الغائب على احد افراد اسرته و القيام

و لم ارى جنود الأمن المركزى و لا امن الدولة ولا العمداء منتشرين فى المدينة كاملة

و لم ارى حالة اخلاء للحرم حيث ان الملك موجود و لتأمين حياته لم يقم احد بأخراج المعتمرين

او اخراج المعتمرين و الاتيان بأخرين من قوات الحرس الجمهورى متخفيين فى هيئة معتمرين او اطفال او سيدات

لم ارى تظاهرة نفاق كالتى اعرفها جيدا

على العموم هى صورة و ارجو ان يسامحنى الله اذا كنت متجنى او ان نسيت شىء كان لابد اضافته

انهيار القاهرة 2008

يبدو انها ستصبح سلسلة كوارث القاهرة و مصر

فهى للأسف سلسلة و فى كل الاتجاهات و فى كل المناحى و فى كل المدن و فى 1992 2000 و 2002 و 2006 و 2008

حادث انهيار مبنى فى شبرا و قبله فى لوران و هكذا .....................................

فأرتبط اسم مصر بالكوارث الطبيعية و الغير طبيعية و الكوارث المفتعلة بفعل فاعل

نقف فى النهاية امام منزل بشبرا انهار اول امس و كالعادة 13 اسرة مشردة و العشرات فى عداد الموتى و العشرات مصابين

و اجد نفسى امام نتايج طبيعية تماما

1) الحديد بيغلى بردوا

2) المساكن بتولع

3) الاسر بتتبهدل

4) تبلد لدينا جميعا حيال الموتى و المصابين و المشردين بسبب كثرة الانهيارات

5) استظراف الكثير من المذيعين على التليفزيون حيال هذه المصائب دون محاولة حل و لكن لدخول متاهات الحوار و الصفصتة التى لا طائل منها و لا تشفى مريض و لا تستر متشرد ولا تعود بالرحمة على موتانا وموتا المسلمين لكنها تورثنا لعنات الموتى الذى ماتوا و جاء هذا النوع من الاعلام ليضيع باقى حقوقهم

6) انتظار باقى افراد الشعب لمصائب شبيهة

7) عته مغولى اصاب المسؤلين و العاملين بالحى و كأنهم تحولوا من مواطنين زيينا لموظفين مصابين بحالة منتهى التبلد و البرود

8) هل سيفكر اى مواطن من المشردين فى حياته او دينه او عمله او تقدمه فى عمله

9) سيولد هذا بالضرورة حالة قلة حيلة تتحول الى مرارة تتحول الى حزن و كأبة دائمين و تتحول لحالة حقد و كره و غضب لموظفى الحى و السادة ظباط وزارة الداخلية و السادة الاعلاميين و السادة المسؤلين و للمحافظة و للبلد و للنظام و للمواطنين المحبوسين معه فى نفس النظام و لكل من ينام على سريره هادئا للصباح و هو فى الشارع الى ان يشاء الله امرا كان مفعولا

10) هل المواطن الضعيف يغضب ؟ و هل مؤثر ؟ و هل يخشى منه او عليه ؟

هذا سؤال جميل (من ناحية يغضب) فهو بالفعل يغضب و لكن غير مؤثر لأن غضبه سيصبح تأثيره عليه هو شخصيا فقط و لذلك يخشى عليه من الغضب فسوف يصبح اثير السجون او المستشفيات النفسية او مستشفى الحميات ولا الثميات ولا الميرى ؟

و فى هذه الحالة اصبحت نهاية لحايته تماما

11) لماذا نبحث عن حقوق و لا نبحث عن حقوق ؟

ما اتمناه:

1) ان يرى كل مسؤل ماذا يحدث لو انهار العقار الذى يسكن به فى ظل ثبات موارده و ضياع مدخراته اذا كان شريفا

2) هل سينتظر فى خيمة ايواء او يجلس فى منزل اخته هو اسرته فى انتظار العطف

ما اصل إليه كلنا على شعرة و الضياع تماما و اذا وصل منا احدا لبر امان رأيته يحرق سفن من يأتى وراءه حتى لا يصل للأمان اى من اخوانه

حريق القاهرة 2008

اليوم 20 اغسطس 2008

بالأمس شب حريق بمقر مجلس الشعب و الشورى بالقاهرة

الصورة من اعلى و يظهر المبنى فى الخلفية و امامى مجمع التحرير و الجامعة الامريكية تقريبا و حريق و دخان شديدين

و لا احد ينقل هذا الخبر سوى الفضائية المصرية و برنامج الكرة مع شوبير فى الحياة

المهم تبادر الى ذهنى الكثير من الأفكار و التى كانت امتع من رؤية التغطية:

1) هل بعد 60 سنة كاملة (نواجه حريق للقاهرة جديد) ؟ ضد الملك و الحركات دى و نكمل مع فردوس عبدالحميد فى مسلسل جديد

2) هل كل حرائقنا ماس كهربائى او جماعة محظورة قامت بالعملية ؟ زى مقر وزارة الثقافة بالصعيد و الاوبرا و هكذا

اظن و الله اعلم ان السبب فى مقلى اللب اللى بداخل مجلس الشعب او ان حد سايب موبايل فى الشاحن و نساه

3) لماذا التعجب من صعوبة التغطية و صعوبة المكافحة ؟ البلد مولعة من غير نار

4) لماذا نشكر الأمن قبل ان تنتهى الحريقة و نبدأ فى حساب الخسائر ؟ و هل هناك شكر على واجب ؟ ولا هى عادة ولا لازمة كلام ؟

5) هل مجلس الشعب و الشورى شىء مهم للشعب و للشورى بينهم ؟

6) الغرف المحترقة (لجنة الزراعة و لجنة الشباب و غرفة اجتماعات صغيرة و مجلس الشورى )

اشعر انه كويس ان لجنة الزراعة اتحرقت بدل ما تبقى موجودة و ما بتعملش حاجة و الناس بيجى لها سرطانات بردوا

و لجنة الشباب اتحرقت و الناس محروق دمها على قناة الاهلى و حقوق الشعب و بكين عبارة عن تغطية فى جريدة الجمهورية

7) لماذا ينقل شوبير خبر مثل هذا ؟ لأنه برنامج عام و لا لأنه عضو مجلس شعب و خايف يصحى الصبح ما يلاقيش مكان يروحه

ولا وطنية زائدة ولا سيط و غنى

8) و كأن مجلس الشعب ما بيهمش حد فى مصر غير المحافظ و مدير الأمن : ممكن لأنهم اللى حيتسألوا عنه بعد كدة

9) ايه المشكلة انه يتحرق ؟ يمكن لقيمته الفنية و التاريخية حيث انه مزار سياحى للشباب من الجنسين و حتى سن 90 او لأنه مقر تجمع احفاد ابو لمعة على مدى تاريخ هذه الجمهورية او المملكة حيث يقال ان قدماء المصريين كانوا بيقعدوا هناك

10) يا ترى الريس حيفتتح مقر مجلس الشعب الجديد فين ولا حيتم الترميم ؟ غالبا المقر الجديد حيكون فى مدينة مبارك الترفيهية

او شرم الشيخ علشان يكونوا تحت ايده

و ممكن فى الساحل الشمالى جنب مقر مصايف النواب

و غالبا لو ترميم يبقى مش حيجتمعوا السنة دى خالص و ممكن يتأخر زى كوبرى بركة سبع بالمنوفية (من 7 الى 15 سنة)

و السنة الجاية يشوفوا لو يتجمعوا فى قهوة فى شارع جامعة الدول

11) لماذا لم يتم الحريق فى وقت اجتماع مجلس شعب ولا شورى ؟ كانت ستضفى جو من الاثارة و الابداع على الموضوع و نخلص من مجلس الشعب اللى اجبرنا على اختيار مديرينه

12) اتخيل ان حريق مجلس الشعب متعة ما بعدها متعة اصل البلد ماشية بيه و لا من غيره فى نفس الاتجاه و السواقين اللى فيه ينطبق عليهم قول الشاعر الشعبى (ما بيعرفش يوقفها - ما بيعرفش يوقفها)

13) المهم بقى اظن ان اهم ما فى الموضوع انى حاشوف تغطية الموضوع فى حدث فى مثل هذا اليوم بعد سنة ولا 2 ان شاء الله

ملحوظة : الصورة بها رمزية شديدة بألوان العلم المصرى

الاحمر سيارة المطافى

الابيض : لون مبنى مجلس الشعب

الاسود : لون السور الحديدى

الاصفر الذهبى : لون النيران بديلا عن النسر ولا الصقر و هو تقريبا حداية

مصر تحترق من زمان ولا يوجد رجال اطفاء

رجال المطافى هجروا

مصر هبة النيل و النيل هبة سليم

كل الشعوب التى حولنا تعرف قيمة المياه بشكل واقعى و ترى تجهيزات خطيرة جدا لكوب الماء و سعر مرتفع لعدم توفرها بشكل سهل فى متناول الشعوب

الشعوب التى عمرها من عمرنا نسير معا و لكن مصر فى طريق و باقى شعوب المنطقة فى طريق

لا تجد حضارات الا فى بلاد بها انهار(مصر و العراق و الشام و الهند و الصين و الله اعلم )

بغض النظر عن العراق و الحروب المدوية التى تمر بها

و لكن معنى الحضارة ايه ؟

الحضارة مش واحد كان عايش هنا و مات

الحضارة واحد كان عايش و عمل شىء و جاء اخر ليكمل هذا الشىء الى ان وصل هذا الشىء لنا فى مرحلة متقدمة

الشىء ده ممكن يكون علم

مثل الطب او الفلك او الزراعة

لاجد نفسى فى المدرسة من سنين و اعرف انا مصر هى الللى مافيش زيها و ان الطب و الفلك و خلافه مصرى اصيل

و كلما كبرت ادرك حجم الوضعية الكاذبة التى نحن فيها

فنحن نتخلى عن ادواتنا او موروثاتنا واحد تلو الاخر و للاسف ذلك تم بشكل تدريجى على مدى التاريخ الذى نتباهى به

الى ان دخلنا فى المرحلة الاخيرة و هى النتيجة

الزراعة خسرناها بشكل اجتماعى و كأنها مدبرة : بطريقة انا مش فلاح و انا ابنى لازم يتعلم و يبقى زى فلان و كأن الفلاحة هى صفة اجتماعية وضيعة (من الاخر عقدة نفسية فى فترة اوائل القرن الماضى)

الصناعة (بقينا زى اللى رقص على السلم) المنتج سىء جدا و لا يستطيع المنافسة و لان النظام يريد استمرار هذه المهذلة قرروا غلق السوق المصرى على هذا المنتج الهزيل

ليشتريه المصريين باعلى سعر و اقل جودة (مجبر اخاك لا بطل ) و لا يوجد معايير جودة كلها شهادات و ورق مضروب

طبعا التجارة فى كساد : الدورة الاقتصادية مش ماشية ( بتشترى و ما بتبيعش) او ( بتشترى و دخلك ضعيف)

كل ده الشعب المصرى مرحب به

مما ازاد النظام وحشية

اضاف على ما سبق انعدام ضمير و ادخال مواد مسرطنة فى الصناعة و الزراعة

لتجد امراض خطيرة جدا يصاب الشعب المصرى بها

و اصبح السرطان مثل البرد و الصداع عند المواطن المصرى ( ما فى بيت الا و فيه حاله)

من الاخر هى خطة قضاء على هذا الشعب

لانه الصراحة اصبح عنده سرطنات فى كل الاتجاهات و فى كل مكان فيه ( فكرية واجتماعية و ثقافية و علمية و صحية و رياضية و غيره ..

لذلك النيل موجود و هناك من هم مهمين فى البلد لدرجة انهم ممكن يحتكروا هذا النيل

فمصر الطريقة فيها سهلة جدا

قلل الخدمة لادنى مستواياتها

اخرج لهم منتج

و قلل من جودة المنتج و ادخل منتج ثانى بسعر اعلى و بالجودة القديمة

الى ان نصل ( لا يوجد خدمة)

و لكن تدفع للحصول على مكانك فى الطابور

فلا تضمن مكانك بعد ذلك

و الله و هذا قسم احاسب عليه

لم اجد فى مصر منتج يريد ان ينال الرضا الشعب المصرى او موجه للشعب المصرى حتى ينال رضاهم

فالشعب المصرى بالنسبة لصاحب القرار هو عبارة عن كائن لا وجود له و لذلك لا احترام له

لاجد ان هذا النظام يكرهنى و يعمل على تصعيب امور حياتى

شكرا لهذه المجموعة الحاكمة

فما دام هذا الشعب لا يرد

فلا ثورة لمصر بطلها مصرى و لا اعرف التاريخ دنس اغلب من قاموا بثورات فى مصر من المصريين

اللى كان عمل ثورة و ما كنش قصده

و اللى كان سىء الاخلاق

و اللى

من الاخر وصلنا الى عيد الثورة 23 يوليو

الذى اصبح عبارة عن ( خطاب للسيد الرئيس و زيارة لقبر الزعيم الراحل و زيارة لتخريج دفعة الكلية الحربية التى تحمى النظام الحالى)

على الجانب الشعبى فرحة باليوم الاجازة + فيلم رد قلبى على القناة الاولى و فيلم فى بيتنا رجل على القناة التانية )

بسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسس كدة

احساس الثورة متكرر ممل مالهوش طعم

لذلك فلا يوجد ثورة لان بيتم تمثيلها و كأنها امر عادى و اللى عملوا ثورة فين دلوقتى

فى زبالة التاريخ

و فين احنا ؟
اظن اننا معهم

لذلك لن يحدث ثورة ( كيف تقوم بثورة لتغيير فساد انت شريك فيه ؟ او

كيف تقوم بثورة لتغيير وضع و انت مريض .؟

كيف تقوم بثورة لتغيير وضع سيأول فيما بعد الى شكل اشبه بهذه المسرحية الهزلية ؟.

زورونى كل سنة مرة - حرام تنسونى بالمرة- حرام حرام حرام

رد المغترب حوار صديقه الغير مغترب و هو افتراضى ايضا

انا: بس قولى بصراحة هو الواحد لازم علشان يحقق حاجة يسافر و يتغرب

بلدنا ضاقت علينا و بقينا فوق بعضمش يحقق هو مجرد افتراض انه حيحقق

انا: ايوة يعنى بس هو حل المشاكل اللى فى البلد ان انا اهرب من مواجهتها و اروح اتغرب فى بلد تانية

مشاكل مين ؟

البلد

مش باغير فيها ساكن !!!!

يبقى من التخلف انى اقنع نفسى انى موجود فى مصر لتغير واقع مصر للاحسن

حالاقى اى عيل صغير فى الشارع يقولى : رووح غير انت حالك – ربنا يسهلكانا: ياباشا انا مش قصدى اصلحها لوحدى ولا حاجة انا قصدى بس اعمل اللى عليا و بعدين

ماهى اى بلد هنسافر لها هيكون فيها مشاكل برضه الفرق بس ان انت مش هتكون ابن البلد دى هتكون متغرب و كفاية عليك غربتك...فمش هتحس بمسئولية او رغبة فى مشاركة فى حل مشاكل البلد اللى انت فيه

طيب يا سيدى قعدت اصلح مع الرفاق فى مصر و كنت ايجابى و كنت بنأثر فى البلد و شايف التغيير وبيتى ماشى كويسحأمشى ليه ؟فراغةعين مثلاانا ماشى من بلدى مطرود يا باشامجبر على اوضاع غلط من اول ما باصحى لغيت ما بانام ( تكمل كدة و تنتهى بلا امل عودة او انك تمشى )رحت بلد تانى : حاتعامل مع قانون (مرور و حماية مستهلك و حقوق انسان و .......انا زى اى مصرى برة او زى اى مغترب فى هذه البلد (مافيش ده ابن فلان الفلانى)انا عايز اشتغل بس و اعيش عيشة طيبة و اكون عايش هادىمش عايز اغلط و اكون شخص مرتشى او فاشل او حرامى او كرشى كبير اوووووووووووووووووووووووووووبص يا باشا دى مش نظرة مشرقة لواحد عبيطدى ممكن تكون الامل المنشود من الحياة (سيبنى احلم يا اخى )

انا: بس برضه الغربة مش حل..انت بره مش هتلاقى كرامتك و المصريين بيلاقوا معاملة وحشة جدا بره زى مانكون بنشحت منهم

و انت واقف فى طابور العيش و انت واقف فى الاتوبيس و لا الترام او مثلا بتخلص ورق بطاقة او بتجيب جبنة بيضاء و لا اقول لك لما يجيبك حظك النحس فى مواجهة مع ضابط شرطة لاى سببمش بالضرورى تكون انت صح او غلط !!!!!!!! فى النهاية حتاخد اللى فيه النصيبقولى الاوضاع الجنسية اللى فاتت رأيك فيها ايه ؟ محترمة ؟تقبلها على نفسك ؟هل تقبلها على زميلة لك بالعمل ؟

انا: قد كده انت شايل من البلد و كارهها انت مش مصرى يابنى ولا ايه الدم اللى بيحرى فى عروقك ده ايه؟

انا باقول الحمد لله مصرى

بس هم اللى مش مصريين

ممكن تقول مش مسلمين

اما الدم ممكن يكون بوية او شربات او دمعة

لان كله بينزل على الارض و بسهولة

انا:يعنى خلاص ما فيش فايدة

مش حاغير الفقرة دىصديقى: اسمع منى...فرصة كويسة فى اى بلد عربى و يا سلام لو قدرت تقدم منه على طلب هجرة لبلد اوروبى او كندا او السويد او النرويج او النمسا استراليا

انا: و كمان هجرة.. ده انت مش عايز ترجع البلد تانى بقى

اتمنى بس انا ماشفتش حد رجع تانى من دول اوروبا او امريكا الشمالية و استراليابيرجع من دول عربية و يلعن اليوم اللى رجع فيهالمشكلة اننا بنقول ان مصر بتتغيرانا واحد شايف البلد كويس مافيش تغير غير فى الصورة لكن المضمون زى ما هو ما بيتغيرش و لا حيتيغير طول ما اللمبى موجود

انا: ايه ؟

المصريين برة مصر وحشين مع بعض

و جوة مصر كمان يا باشا

المصرى ابن حلال و انا مصرى

و فى الكويس و فى ابن ............

بس الحياة بتاعتنا الصعبة خلت ولاد .......... كتير قوى و واضحين و فوق الاحتمال

ده انت كمان بتعيب فى المصريين للدرجة دى نظرتك تشاؤمية و سوداوية

انت شكلك مش عايش فى البلد

بس لما تتعور تعالى قول لى !!!!!!!!!!!!!!!!!!طيب ابقى شوف لى حاجة برة بقى. انا : حابقى ابعت لك السى فى بتاعى ع الميلو الله يا عم عينيا و ربنا يسهلها عليك و علينا

اهداء خاص ليك

لن يشعر بالأمن خائف
جازف حتي لا تموتوأنت واقف